warning: call_user_func_array() expects parameter 1 to be a valid callback, function 'theme_filter_tips_more_info' not found or invalid function name in /var/www/jogorku/includes/theme.inc on line 669.

Каракол шаардык соту жаңы форматта иштеп баштады

26.12.2017

Соттордун имараттарын тиешелүү түрдө  инфраструктура менен камсыз кылуу сот ишинде маанилүү ролду ойнойт жана ошону менен бирге сот адилеттигин жүзөгө ашырууда таасирин тийгизет.

«2014-2017-жж. аралыгында Кыргыз Республикасынын сот тутумун өнүктүрүү»  Мамлекеттик максаттуу программасы боюнча аткарылып жаткан иш-чаралардын алкагында Каракол шаардык сотунун имаратында кайра пландоо иштери жүргүзүлдү. Башкача айтканда, бардык соттордун жана аппарат кызматкерлеринин кабинеттери (сот залдары ичинде соттор үчүн өзүнчө иш бөлмөлөрү менен бирге) экинчи кабатта, ал эми соттун кеңсеси (канцелярия) биринчи кабатта жайгашкан. 

Толугураак

Аткарылган иштердин алкагында 2017-жылдын июль айынан тарта сот жаңы фоматта иштеп баштады, тактап айтканда соттун кеңсесинде  жазык иштери боюнча; жарандык иштер боюнча; админситративдик укук бузуулар жана соттук материалдар боюнча «Бирдиктүү терезелер» ишке кирди.

Эми сот отурумунун катышуучулары жана башка адамдар өздөрүнүн суроолору менен ар кайсы кабинеттерге жана кызматкерлерге эмес, тийиштүү терезеге кайрыла алышат.

 

Мындай иштөө форматы соттун кеңсесинин ишинин натыйжалуулугун жакшыртып, соттук материалдарды, арыздарды, кайрылууларды  кабыл алууда жоопкерчиликти жогорулатмакчы. Ошону менен бирге учурда келип кетип жаткан кат кабарларды, кайрылууларды, арыздар менен даттанууларды кароону контролдоп, иш кагаздарын жүргүзүүнүн сапатын жакшыртат.

 

 

Көптөгөн чет мамлекеттерде соттордун имараттары функционалдык топторго бөлүнөт. Мисалга алсак, андай имартаттар тиешелүү бөлмөлөрү бар сот залдарынан, соттордун иш бөлмөлөрүнөн, аппарат кызматкерлеринин иш бөлмөлөрүнөн, соттолуучулар жана конвойлор үчүн бөлмөлөрдөн, техникалык жана тейлөө максатында пайдалануучу бөлмөлөрдөн турат.

Соттун имаратынын мындай жасалгаланышы сот отурумунун катышуучулары жана башка тышкаркы адамдар үчүн соттук териштирүүдөн  башка учурларда соттордун жеткиликтүүлүгүн чектейт эле.

Белгилей кетсек, «бирдиктүү терезелердин» түзүлгөнү сот отурумунун катышуучуларынан жана башка адамдардан жакшы пикирлер айтылып, мактоого арзыды.

 

Ысык-Көл областтык сотунун басма сөз катчысы

Гульзада Аширбаева

 

 

Азырынча комментарийлер жок

Комментарий жазуу

  • Web page addresses and e-mail addresses turn into links automatically.
  • Lines and paragraphs break automatically.

Байланыш маалыматы

720040, Бишкек шаары, Абдумомунов көчөсү, 205
Документациялык камсыздоо, каттар жана жарандарды кабыл алуу бөлүмү
(+996 312) 66-10-89
 
e-mail - vskr@sot.kg
 
 

 

Иштөө графиги

Дүйшөмбү - Жума     08:30 – 17:30

  Түшкү тыныгуу       12:00 – 13:00