Кыйноо менен айыпталган үч милиция кызматкери жазаланды | Кыргыз Республикасынын Жогорку Соту
warning: call_user_func_array() expects parameter 1 to be a valid callback, function 'theme_filter_tips_more_info' not found or invalid function name in /var/www/jogorku/includes/theme.inc on line 669.

Кыйноо менен айыпталган үч милиция кызматкери жазаланды

28.11.2017

Кыйноо менен айыпталган үч милиция кызматкерлеринин жазык иш боюнча жергиликтүү соттордун өкүмдөрү күчүндө калтырылды.

 2017-жылдын 27-ноябрында Кыргыз Республикасынын Жогорку сотунун жазык иштери жана административдик укук бузуулар жөнүндөгү иштер боюнча соттук коллегиясы ачык соттук отурумда Нарын шаардык сотунун 2017-жылдын 5-июлундагы жана Нарын областтык сотунун жазык иштери жана административдик укук бузуулар жөнүндөгү иштер боюнча соттук коллегиясынын 2017-жылдын 17-августундагы өкүмдөрүнө карата тараптардын көзөмөл даттанууларынын негизинде кыйноо менен айыпталган үч милиция кызматкеринин  жазык иши каралды.

Толугураак

Соттолгон Ш.Б. Кыргыз Республикасынын КЖКнин 305-1-ст. 2-б. 1-п. жана 166-ст. 4-б. 3-п. боюнча күнөөлүү деп табылып, Кыргыз Республикасынын КЖКнин 305-1-ст. 2-б. 1-п. боюнча үч жылга чейинки мөөнөткө белгилүү кызматтарды ээлөө же белгилүү иш жүргүзүү укугунан ажыратуу менен 7 (жети) жылга эркиндигинен ажыратылды, ал эми Кыргыз Республикасынын КЖКнин 166-ст. 4-б. 3-п. боюнча үй-мүлкүн конфискациялоо менен 5 (беш) жылга эркиндигинен ажыратылды.

Кыргыз Республикасынын КЖКнин 59-ст. негизинде белгиленген жазалар жарым-жартылай кошулуп, биротоло үч жылга чейинки мөөнөткө белгилүү кызматтарды ээлөө же белгилүү иш жүргүзүү укугунан ажыратуу менен 8 (сегиз) жылга эркиндигинен ажыратылып, үй-мүлкү конфискацияланып, жазасын күчөтүлгөн тартиптеги түзөтүү абактарында өтөөсү белгиленди.

Соттолгон К.Б. жана О.К.  Кыргыз Республикасынын КЖКнин 305-1-ст. 2-б. 1-п. боюнча күнөөлүү деп табылып, үч жылга чейинки мөөнөткө белгилүү кызматтарды ээлөө же белгилүү иш жүргүзүү укугунан ажыратуу менен 7 (жети) жылга эркиндигинен ажыратылып, жазасын күчөтүлгөн тартиптеги түзөтүү абактарында өтөөсү көрсөтүлгөн.

Маалымат иретинде: 4-май 2016-жылы саат 01:00 чамасында Ат-Башы РИИБнө алынып келген жабырлануучу Ж.Ж., Ат-Башы районунун тургуну К.М. арызында көрсөтүлгөн бир баш эшекти уурдагандыгын жана аны сойгондугун мойнуна алдыруу максатында Ат-Башы РИИБнин милиция бөлүмчөсүнүн башчысы Б.К. жана кылмыш иликтөө ага ыкчам өкүлү О.К. менен биргеликте уруп-сабап, кыйнашкан.

Соттук-медициналык экспертизанын 8-май 2016-жылдагы №152-корутундусуна ылайык, жабырлануучу Ж.Ж. ден-соолуктун кыска мөөнөткө бузулушуна алып келбеген жеңил жаракат алган.

Ошондой эле, Ш.Б. 4-май 2016 -жылы саат 18:00 чамасында жабырлануучу Ж.Ж. жасабаган кылмышын мойнуна алдыртып кыйнап бүткөндөн кийин, жабырлануучу Ж.Ж. бир тууган байкеси У.Ж., достору А.О. жана К.О. өзүнүн кызматтык кабинетине чакыртып, ал жерден Ж.Ж., А.О. жана К.О. мыйзамда көрсөтүлгөн өзүнүн ыйгарым укуктарына кирбегендигине карабастан, алдоо жолу менен алардан акча алуу максатын көздөп, кылмыш иш козгоп, камап саламын деп коркутуп, эки сааттын ичинде 120 000 сом пара алып келишсе, кылмыш жоопкерчилигине тартпай бошотуп жиберээрин айткан.

Андан кийин, 7-май 2016-жылы саат 11:00 чамасында Кыргыз Республикасынын МУККнин Нарын облусу боюнча башкармалыгы тарабынан жүргүзүлгөн тергөө-ыкчам иш- аракеттеринин натыйжасында, Ат-Башы районунун Ат-Башы айылынын мал базарынын жанынан Ш.Б., жабырлануучу А.О. люминесценттик зат менен белгиленген, мурда макулдашылган 120 000 сом акча каражатын пара алган жеринен ыкчам кызматкерлери тарабынан кармалган.

Азырынча комментарийлер жок

Комментарий жазуу

  • Web page addresses and e-mail addresses turn into links automatically.
  • Lines and paragraphs break automatically.

Байланыш маалыматы

720040, Бишкек шаары, Абдумомунов көчөсү, 205
Документациялык камсыздоо, каттар жана жарандарды кабыл алуу бөлүмү
(+996 312) 66-10-89
 
e-mail - vskr@sot.kg
 
 

 

Иштөө графиги

Дүйшөмбү - Жума     08:30 – 17:30

  Түшкү тыныгуу       12:00 – 13:00