61 жаш курагында Кыргыз Республикасынын Жогорку сотунун мурдагы аппарат жетекчиси Жекшен Жандралиев дүйнө салды

29.08.2017

Жекшен Эмилгазиевич Жандралиев эмгек жолун 1985-жылы стажер болуп Калинин райондук сотто баштаган, 1986-жылы ага консультант болуп Юстиция министирлигинде эмгектенген. 1987-жылдан тартып 1991-жылга чейин Калинин райондук сотунда судьялык кызматты аркалаган. Андан соң 1996-жылга чейин  Калинин райондук сотунун төрагасы болуп иштеген. 1996-жылдан 1999 жылга чейин Чуй-Токмок шаардык сотун жетектеген, 1999-2003 жылдары Ош областык сотунун төрагасы болуп эмгектенген.

2004-жылы Кыргыз Республикасынын Жогорку сотунун төрагасынын кеңешчиси болуп дайындалган. 2005-жылдан 2017-жылга чейин Кыргыз Республикасынын Жогорку сотунун аппарат жетекчиси болгон.

Кыргыз Республикасынын Жогорку сотунун, жергиликтүү сотторунун судьялары, аппарат кызматкерлери Кыргыз Республикасынын Жогорку сотунун мурдагы аппарат жетекчиси Жекшен Эмилгазиевич Жандралиевдин мезгилсиз дүйнөдөн кайткандыгына байланыштуу туугандарына жана жакындарына оор жоготуусун тең бөлүшүп, терең көңүл айтат.

Кыргыз Республикасынын Жогорку сотунун сыйлыктар жөнүндөгү Жобосу бекитилди

25.08.2017

Кыргыз Республикасынын Жогорку сотунун Пленумунда сыйлыктар жөнүндө Жобо бекитилди. Бул документ Кыргыз Республикасынын Жогорку сотунун, Кыргыз Республикасынын жергиликтүү сотторунун судьяларын жана аппарат кызматкерлерин, Кыргыз Республикасынын Жогорку сотуна караштуу Сот адилеттигинин жогорку мектебинин жана Кыргыз Республикасынын Жогорку сотуна караштуу Сот департаментинин кызматкерлерин Кыргыз Республикасынын сот тутумунун өнүгүүсүнө кошкон олуттуу жеке салымын эске алуу жана сыйлоо максатында иштелип чыккан. Жакын арада сыйлык тапшыруу пландалууда. 

Кыргыз Республикасынын Жогорку сотуна караштуу Сот адилеттигинин жогорку мектеби квалификациялык экзамен тапшырууга жол берилген угуучулардын тизмесин жана квалификациялык экзамендин биринчи туру - жазуу жүзүндөгү экзаменди өткөрүү графигин жарыялайт

23.08.2017

Кечээ, 2017-жылдын 22 августунда Кыргыз Республикасынын Жогорку сотуна караштуу Сот адилеттигинин жогорку мектебинин окуу залында (Сот адилеттигинин жогорку мектеби) 2017-жылдын 26-апрелинен баштап 17-августуна чейинки мезгилде Сот адилеттигинин жогорку мектебинде окуудан өткөн угуучулар үчүн квалификациялык экзаменди өткөрүү боюнча Квалификациялык комиссиянын  жыйыны болуп өттү.

Толугураак

Сотибек Осмонов, Чаткал райондук сотунун төрагасы: «Курулуш иштери 58% бүтүп калды»

21.08.2017

Жаны  курулуп жаткан Чаткал райондук  сотунун имаратынын  курулуш  иштери  58%га  бүткөрүлдү. Бул туурасында  Чаткал райондук сотунун төрагасы Сотибек Осмонов билдирди.  Маалым болгондой,  имараттын биринчи кабат толугу менен бүттү. Ал эми башкы корпустун пайдубалы жана  кыш   коюу иштери 100%  аткарылды. 

Толугураак

 

Бишкекте Сот адилеттигинин жогорку мектебинин окуу залында “Кыргыз Республикасынын Коррупцияга каршы мыйзамдары: сот системасында коррупцияга каршы туруу жана алдын алуу боюнча чаралар” темасында семинар өтүүдө

18.08.2017

Бүгүн, 2017-жылдын 18-августунда Кыргыз Республикасынын Жогорку соту жана Кыргыз Республикасынын Жогорку сотуна караштуу Сот адилеттигинин жогорку мектеби (мындан ары - Сот адилеттигинин жогорку мектеби) Сот адилеттигинин жогорку мектебинин окуу залында “Кыргыз Республикасынын Коррупцияга каршы мыйзамдары: сот системасында коррупцияга каршы туруу жана алдын алуу боюнча чаралар” темасында семинар өткөрүүдө.

Толугураак

Кыргыз Республикасынын Жогорку соту КР Жогорку сотунун судьясы Галина Уметалиевага бир тууганынын мезгилсиз дүйнөдөн кайткандыгына байланыштуу көңүл айтат

18.08.2017

   Кыргыз Республикасынын Жогорку сотунун судьялары, аппарат кызматкерлери жана КР жергиликтүү соттору Табылды Дюшекеевич Уметалиевдин мезгилсиз дүйнөдөн кайткандыгына байланыштуу Кыргыз Республикасынын Жогорку сотунун судьясы Галина Дюшекеевна Уметалиевага оор жоготуусун терең кайгыруу менен көңүл айтат.

Талас облустук соту алты айдын жыйынтыгын чыгарды

17.08.2017

Судьялар жүктөлгөн кызматын тиешелүү деңгээлде аткарылуусу, аны менен бирге соттор тарабынан каралган иштер боюнча келтирилген кемчиликтерди жоюу жана жол бербөө максатындагы сунуштар Талас облустук  сотунун  атайын  жыйынында  белгиленди.  

 

Толугураак

 

Кыргыз Республикасынын Жогорку сотуна караштуу Сот адилеттигинин жогорку мектеби менен Урал мамлекеттик юридикалык университетинин алдындагы Медиация борбору менен кызматташтык жөнүндө жаңы эки тараптуу Меморандумга кол коюулду

14.08.2017

2017-жылдын 11-августунда Кыргыз Республикасынын Жогорку сотуна караштуу Сот адилеттигинин жогорку мектебинин (мындан ары-Сот адилеттигинин жогорку мектеби) окуу залында жарандык жана экономикалык иштерди караган, учурда иштеп жаткан Кыргыз Республикасынын Жогорку сотунун судьялары, Бишкек шаарынын жана Чүй облусунун жергиликтүү соттору “Сот ишинде медиациянын техникасы” темасында 5 күндүк окудан өтүштү. 

Толугураак

69 жаш курагында эмгек синирген юрист Рахимберди Салиев дуйно салды

14.08.2017

Рахимберди Абдыкалыкович САЛИЕВ  эмгек жолун  1976-жылы Юстиция министрлигинин сот органдарынын  башкармалыгынын консультанты болуп  баштаган.  1980-1985- жылга  чейин Свердлов, Октябрь   райондорунун судьясы,  кийин Бишкек шаарынын  судьясы  кызматын  аркалаган.  1985-жылдын 1996-жылга  чейин Жогорку Соттун мүчөсү болгон. Андан  сон  уч  жыл  Чуй  областтык  сотунун торгасы болсо, сегиз жыл  Бишкек  шаардык  сотун жетектеген. 2009-жылдан 2012 -жылга  чейин Кыргыз  Республикасынын Жогорку  Сотунун судьясы болгон.

Рахимберди Салиев  «Кыргыз  Республикасына эмгек сиңирген юрист» деген наам берилген жана өкмөттүк бир канча сыйлыктар менен сыйланган.

Кыргыз Республикасынын жалпы сот тутумунун судьялары, аппарат кызматкерлери жана сот ардагерлери  Рахимберди Салиевдин дүйнөдөн кайткандыгына байланыштуу үй-бүлөсүнө жана жакындарына терең кайгыруу менен көӊүл айтышат жана орду толгус жоготуунун аза кайгысын тең бөлүшөт. Жаткан жери жайлуу, топурагы торко болсун!

Жогорку соттун административдик жана экономикалык иштер боюнча соттук коллегиясы О. Текебаевдин ыйгарым укуктуу өкүлүнүн Шайлоо жана референдум өткөрүү боюнча борбордук комиссиясына болгон доо арызы боюнча Район аралык соттун чечимин күчүндө калтырылды

Байланыш маалыматы

720040, Бишкек шаары, Абдумомунов көчөсү, 205
Документациялык камсыздоо, каттар жана жарандарды кабыл алуу бөлүмү
(+996 312) 66-10-89
 
Жогорку соттун электрондук почтасы - supcourt@sot.kg
 
 

 

Иштөө графиги

Дүйшөмбү - Жума     08:30 – 17:30

  Түшкү тыныгуу       12:00 – 13:00