Кыргыз Республикасынын Жогорку сотунун төрайымы Айнаш Токбаева: “Сот департаменттин жаңы имараттуу болушу - бул сот тутуму үчүн чоң жетишкендик”

08.12.2017

Бүгүн, 8-декабрда, Кыргыз Республикасынын Жогорку сотунун төрайымы Айнаш Токбаева  Жогорку сотко караштуу Сот департаментинин жаңыланган имаратынын салтанаттуу ачылыш аземине катышты. Жаңы имаратта орун алган ар бир бөлүмдөр менен Сот департаментинин директору Рустам  Ибраимов тааныштырды. Анын айтымында, буга чейин Сот департаменти  Свердлов райондук соту менен бирге бир имаратта орун алышкан. Бул өз кезегинде ыңгайсыздыкты жаратып келген болчу. Ошондуктан, мурдагы аскер сотунун имаратын толугу менен капиталдык  ремонттон өткөрүп, Сот департаментинин кызматкерлерине өзүнчө шарт түзүлүп жатат.

Толугураак

Айнаш Токбаева, Кыргыз Республикасынын Жогорку сотунун төрайымы: “Кыргыз телевидениеси жана радиосунун тарыхта орду чоң, ал эбак эле биздин улуттук маданиятыбыздын бир бөлүгү болуп калган”

08.12.2017

Бүгүн Кыргыз Республикасынын Радио жана телевидение кызматкерлеринин күнү. 1958-жылы 194 метр бийиктиктеги телемунарасы менен Бишкек телестудиясы ишке киргизилип, 8-декабрь күнү Кыргыз телевидениесинде алгачкы берүү обого чыккан. Ал эми 1931-жылы өлкөдө Радио уктуруу боюнча республикалык комитет түзүлгөн. Ошол эле жылдын 19-декабрында алгачкы радио берүү обого чыккан. 

Куттуктоонун тексти мындай:

Толугураак

 

Кыргыз Республикасынын Жогорку сотунун төрайымы Айнаш Токбаева: “ Заманбап технологиялар сот адилеттигин жүргүзүү үчүн колдонулушу керек”

08.12.2017

Кыргыз Республикасынын Жогорку сотунун төрайымы Айнаш Токбаеванын  облусттук соттордун төрагалары менен  видео  конференц байланышы болду. Учурда жарандардын сот адилеттигине жетишүүсүн камсыз кылуу  максатында электрондук сот өндүрүшүн  киргизүү боюнча  чоң иштер башталды.

Видео конференц байланыш  учурунда Жогорку соттун төрайымы Айнаш Токбаева облусттук соттордун жетекчилери менен жергиликтүү соттордун  ишмердүүлүгү боюнча  маселелерди талкуулап, сот адилеттигин жүргүзүүнүн  сапатын жогорулатууга багытталган тийиштүү чараларды көрүүсүн  талап кылды. Мындан тышкары жергиликтүү соттор тарабынан ишти кароодо мөөнөттөрүн жылдыруу, жарандардан келип жаткан даттанууларды, соттордун жана аппарат кызматкерлеринин эмгек тартибин сактоо маселеси каралды. Ошондой эле  судьялардын «Кыргыз Республикасынын жергиликтүү өзүн өзү башкаруу органдары жана мамлекеттик органдарынын карамагындагы маалыматка жетишүү» Мыйзамын сактоосу, өз убагында  соттук актыларды sot.kg сайтына жайгаштыруу, жергиликтүү соттордо  калк үчүн тийиштүү шарттарды түзүп берүү маселелери талкууга алынды.

Толугураак

Айнаш Токбаева, Кыргыз Республикасынын Жогорку сотунун төрайымы: ““Кабар” агенттигинин эмгектеринен кыргыздын бүтүндөй бир мууну журналистиканы өздөштүрүп, эне тилинде жазууга үйрөндү”

07.12.2017

Бүгүн, 7-декабрда, Бишкектеги  Алыкул Осмонов атындагы улуттук китепканада “Кабар” маалыматтык агенттигинин түзүлгөндүгүнүн 80 жылдык мааракеси салтанаттуу белгиленди.

Төмөндө Төрайымдын куттуктоосунун тексти келтирилет.

Бүгүн бүткүл кыргыз  журтчулугу үчүн өзгөчө күн.  Анткени массалык  маалымат каражаттарынын алдыңкы  сабында  келе  жаткан  «Кабар» улуттук маалымат агенттиги  80  жашта. Мына бүгүнкү күн   кыргыз  тарыхындагы чоң  окуя  экендигин белгилеп кетким келет. Байкалбаган менен “Кабар” агенттигинин  эмгектеринен кыргыздын  бүтүндөй  бир  мууну журналистиканы  өздөштүрүп,  эне  тилинде жазууга  үйрөндү. Аны менен элибиздин өнүгүп-өсүшүнө опол  тоодой  салым  кошушту. Айтканга  оңой  көрүнгөн менен чырпыкты  чынар  кылып аздектеп ушул  күнгө жеткирген жамааттын эмгегинин үзүрү  көрүнүп турат.

“Кабар” агенттиги бийликтин  ар  бир  бутагы  менен тыгыз кызматташып, саясый-экономикалык, сациалдык-маданий кабарлардын элге  ыкчам  жеткирүүдө алдыда турат.

Толугураак

Каракол шаардык соту жаш өспүрүмдөргө аяр мамиле кылууну көздөйт

06.12.2017

Ысык-Көл областындагы Каракол шаардык сотунда эң биринчилерден болуп мыйзам менен чатагы бар балдар үчүн атайын бөлмө жана сот угууларынын залы ачылды.

2017-жылдын 5-декабрында Каракол шаардык сотунда кылмыш курмандыгы же кылмыш иштер боюнча күбө катары катышкан жана  мыйзам менен чатагы бар балдар үчүн атайын күтүү бөлмөсү жана сот угууларынын залынын расмий ачылышы болду.

Толугураак

 

Окуучулар сот тутуму туурасында маалымдуулугун жогорулатышууда

05.12.2017

“Кыргызстан  сот аялдар ассоциациясы”  коомдук  бирикмеси  Сот системасы жөнүндө бир катар лекцияларды уюштурушту.  Мындай иш чаралар өлкөнүн жети облусу жана Бишкек менен  Ош  шаарларын кошкондо  27  мектепте өтүп, “ Сот тутуму туурасында маалыматтуулукту жогорулатуу” долбоорунун алкагында, Биргеликте башкаруу боюнча  программасы аркылуу каржыланды.

Лекцияларды  Кыргыз Республикасынын Жогорку сотунун, Конституциялык палатанын, жергиликтүү соттордун судьялары өткөрүшүп, ага  жогорку класстардын 3 миңден ашык окуучулары  катышты.

Толугураак

Студенттер укуктук маданиятын жогорулатышууда

04.12.2017

Ушул жылдын 1-декабрында, Ош облустук сотунун судьясы  Калыгул Салиев Ош мамлекеттик университетинин Табият таануу жана география факультетинин студенттери менен жолугушуу өткөрдү. Бул жолугушуу  Ыйман, адеп жана маданият жылынын алкагында уюштурулуп, студенттерге адам укуктары, сот тутумунда жүргүзүлүп жаткан иштер туурасында кеңири маалыматтар берилди.

Фемида өкүлү студенттерге түшүнүктүү жана жеткиликтүү болуш үчүн атайын видеофильм  көрсөтүп,  жүргүзүлүп жаткан сот реформасынын ийгиликтерине токтолду.

Өз кезегинде жаштар кызыктырган суроолорун беришип, кеңири дискуссия жарата алышты.

Бул иш чара өсүп келе жаткан муундардын, болочок мугалимдердин укуктук  аң сезимин жана укуктук маданиятын жогорулатууга , ошондой эле сот бийлиги жөнүндө  маалымдуулугун жогорулатууга багытталган.

 

Жазык иштери жана административдик укук бузуулар жөнүндөгү иштер боюнча соттук коллегиясынын иштеринин тизмеси

Административдик жана экономикалык иштер боюнча соттук коллегиясынын иштеринин тизмеси

Жарандык иштер боюнча соттук коллегиясынын иштеринин тизмеси

Байланыш маалыматы

720040, Бишкек шаары, Абдумомунов көчөсү, 205
Документациялык камсыздоо, каттар жана жарандарды кабыл алуу бөлүмү
(+996 312) 66-10-89
 
Жогорку соттун электрондук почтасы - supcourt@sot.kg
 
 

 

Иштөө графиги

Дүйшөмбү - Жума     08:30 – 17:30

  Түшкү тыныгуу       12:00 – 13:00