Жазык иштери жана административдик укук бузуулар жөнүндөгү иштер боюнча соттук коллегиясынын иштеринин тизмеси

Административдик жана экономикалык иштер боюнча соттук коллегиясынын иштеринин тизмеси

Жарандык иштер боюнча соттук коллегиясынын иштеринин тизмеси

Жогорку сотто насаатчылык жөнүндө долбоордун жыйынтыктары чыгарылды

08.12.2017

Бүгүн, 2017-жылдын 8-декабрында, Кыргыз Республикасынын Жогорку сотунда Кыргыз Республикасынын Жогорку сотунун төрайымы Айнаш Токбаеванын катышуусунда “Үч соттогу насаатчылык  пилоттук долбоорунун жыйынтыктарын чыгаруу жана бул ишмердүүлүктү  улантуу,  милдеттер жана келечеги” - деген аталыштагы тегерек стол өттү.

Пикир алмашуу үчүн  пилоттук долбоордун катышуучулары – Кыргыз Республикасынын Жогорку сотунун судьялары, ошондой эле долбордун өнөктөштөрү укукту өнүктүрүү боюнча Эл аралык  уюмдун филиалынын өкүлдөрү чогулушту.  Бардык катышуучулар  масштабдуу жана  жооптуу иш аткарылгандыгы үчүн бири-бирине ыраазычылык билдиришти.

Толугураак

Студенттерге укуктук жактан насааттар айтылды

08.12.2017

Жаштардын Кыргыз Республикасынын сот тутуму туурасында маалыматтулугун жогорулатуу максатында 2017-жылдын 7-декабрында Ысык-Көл облусттук соту студенттерге ачык эшиктер күнүн өткөрдү.

Иш-чарага Кыргыз Республикасынын өкмөтүнө караштуу  Мамлекеттик юридикалык Академиясынын Ысык-Көл Юридикалык институтунун 1-2-3-курстарынын студенттеринен куралган илимий-практикалык ийриминин катышуучулары жана анын жетекчиси Акжолтой Иманалиева катышышты.

Толугураак

Кыргыз Республикасынын Жогорку Сотунун Төрайымы Айнаш Токбаева “Асылзат” наамы менен сыйланды

08.12.2017

Бүгүн, 8-декабрда  “Элита plus”  журналы жыл  жыйынтыгын чыгарып сыйлыктарды тапшырды. Салтанаттуу  аземди  ачып  жатып журналдын башкы  редактору Жазгүл  Карбозова келген  конокторго  ыраазычылык  билдирип,  ар  бир  окурмандын талабына  ылайык  каармандарды  тандоо менен  татыктуу инсандардын маектери журналдын  абройун  көтөрө алгандыгын  кошумчалады. Жалпысынан  жыйырмадан  ашык  номинация  белгиленип,  “Асылзат”  наамына Кыргыз  Республикасынын Жогорку  сотунун төрайымы  Айнаш  Токбаева татыктуу болду.  Сыйлык  тапшырып жатып, журналдын  башкы  редактору “Айнаш  Токбаева  бийликтин бир  бутагы болгон, оор тармактын, тактап айтканда сот  системасында  бир  топ  жылдан  бери эмгектенип келет. Сырттан  караган адамга  сот –бул каардуу инсандай сезилгенин менен  бетме-бет баарлашканда  өтө адептүү, мээримдүү, адамгерчиликтүү жана  жөнөкөй экенин байкайсың. Андыктан, кызматын да, ишин да, адамга  кылган мамилеси да, дегеле  аялзатына  тиешелүү сапаттарды бирдей алып жүргөндүгү үчүн сыйлынды”-деп  белгиледи.

Толугураак

Кыргыз Республикасынын Жогорку сотунун төрайымы Айнаш Токбаева: “Сот департаменттин жаңы имараттуу болушу - бул сот тутуму үчүн чоң жетишкендик”

08.12.2017

Бүгүн, 8-декабрда, Кыргыз Республикасынын Жогорку сотунун төрайымы Айнаш Токбаева  Жогорку сотко караштуу Сот департаментинин жаңыланган имаратынын салтанаттуу ачылыш аземине катышты. Жаңы имаратта орун алган ар бир бөлүмдөр менен Сот департаментинин директору Рустам  Ибраимов тааныштырды. Анын айтымында, буга чейин Сот департаменти  Свердлов райондук соту менен бирге бир имаратта орун алышкан. Бул өз кезегинде ыңгайсыздыкты жаратып келген болчу. Ошондуктан, мурдагы аскер сотунун имаратын толугу менен капиталдык  ремонттон өткөрүп, Сот департаментинин кызматкерлерине өзүнчө шарт түзүлүп жатат.

Толугураак

Айнаш Токбаева, Кыргыз Республикасынын Жогорку сотунун төрайымы: “Кыргыз телевидениеси жана радиосунун тарыхта орду чоң, ал эбак эле биздин улуттук маданиятыбыздын бир бөлүгү болуп калган”

08.12.2017

Бүгүн Кыргыз Республикасынын Радио жана телевидение кызматкерлеринин күнү. 1958-жылы 194 метр бийиктиктеги телемунарасы менен Бишкек телестудиясы ишке киргизилип, 8-декабрь күнү Кыргыз телевидениесинде алгачкы берүү обого чыккан. Ал эми 1931-жылы өлкөдө Радио уктуруу боюнча республикалык комитет түзүлгөн. Ошол эле жылдын 19-декабрында алгачкы радио берүү обого чыккан. 

Куттуктоонун тексти мындай:

Толугураак

 

Кыргыз Республикасынын Жогорку сотунун төрайымы Айнаш Токбаева: “ Заманбап технологиялар сот адилеттигин жүргүзүү үчүн колдонулушу керек”

08.12.2017

Кыргыз Республикасынын Жогорку сотунун төрайымы Айнаш Токбаеванын  облусттук соттордун төрагалары менен  видео  конференц байланышы болду. Учурда жарандардын сот адилеттигине жетишүүсүн камсыз кылуу  максатында электрондук сот өндүрүшүн  киргизүү боюнча  чоң иштер башталды.

Видео конференц байланыш  учурунда Жогорку соттун төрайымы Айнаш Токбаева облусттук соттордун жетекчилери менен жергиликтүү соттордун  ишмердүүлүгү боюнча  маселелерди талкуулап, сот адилеттигин жүргүзүүнүн  сапатын жогорулатууга багытталган тийиштүү чараларды көрүүсүн  талап кылды. Мындан тышкары жергиликтүү соттор тарабынан ишти кароодо мөөнөттөрүн жылдыруу, жарандардан келип жаткан даттанууларды, соттордун жана аппарат кызматкерлеринин эмгек тартибин сактоо маселеси каралды. Ошондой эле  судьялардын «Кыргыз Республикасынын жергиликтүү өзүн өзү башкаруу органдары жана мамлекеттик органдарынын карамагындагы маалыматка жетишүү» Мыйзамын сактоосу, өз убагында  соттук актыларды sot.kg сайтына жайгаштыруу, жергиликтүү соттордо  калк үчүн тийиштүү шарттарды түзүп берүү маселелери талкууга алынды.

Толугураак

Айнаш Токбаева, Кыргыз Республикасынын Жогорку сотунун төрайымы: ““Кабар” агенттигинин эмгектеринен кыргыздын бүтүндөй бир мууну журналистиканы өздөштүрүп, эне тилинде жазууга үйрөндү”

07.12.2017

Бүгүн, 7-декабрда, Бишкектеги  Алыкул Осмонов атындагы улуттук китепканада “Кабар” маалыматтык агенттигинин түзүлгөндүгүнүн 80 жылдык мааракеси салтанаттуу белгиленди.

Төмөндө Төрайымдын куттуктоосунун тексти келтирилет.

Бүгүн бүткүл кыргыз  журтчулугу үчүн өзгөчө күн.  Анткени массалык  маалымат каражаттарынын алдыңкы  сабында  келе  жаткан  «Кабар» улуттук маалымат агенттиги  80  жашта. Мына бүгүнкү күн   кыргыз  тарыхындагы чоң  окуя  экендигин белгилеп кетким келет. Байкалбаган менен “Кабар” агенттигинин  эмгектеринен кыргыздын  бүтүндөй  бир  мууну журналистиканы  өздөштүрүп,  эне  тилинде жазууга  үйрөндү. Аны менен элибиздин өнүгүп-өсүшүнө опол  тоодой  салым  кошушту. Айтканга  оңой  көрүнгөн менен чырпыкты  чынар  кылып аздектеп ушул  күнгө жеткирген жамааттын эмгегинин үзүрү  көрүнүп турат.

“Кабар” агенттиги бийликтин  ар  бир  бутагы  менен тыгыз кызматташып, саясый-экономикалык, сациалдык-маданий кабарлардын элге  ыкчам  жеткирүүдө алдыда турат.

Толугураак

Байланыш маалыматы

720040, Бишкек шаары, Абдумомунов көчөсү, 205
Документациялык камсыздоо, каттар жана жарандарды кабыл алуу бөлүмү
(+996 312) 66-10-89
 
e-mail - vskr@sot.kg
 
 

 

Иштөө графиги

Дүйшөмбү - Жума     08:30 – 17:30

  Түшкү тыныгуу       12:00 – 13:00